Хятадын Кибер орон зайн удирдлагын сүлжээний харилцааны товчооноос удирдаж, Хятадын олон нийтийн дипломатын нийгэмлэг болон Глобал сүлжээнээс санаачлан, ӨМӨЗО-ны интернэт мэдээллийн албанаас зохион байгуулсан 2025 оны "Хятадтай танилцах аялал" олон улсын хэвлэл мэдээллийн солилцооны төслийн Өвөр Монгол дахь аялал 05-р сарын 12-ны өдөр нээлтээ хийлээ. Тус аялал 05-р сарын 12-ноос 16-ны өдрүүдэд Өвөр Монголд таван хоногийн хугацаатай үргэлжлэх болно.
Энэ удаагийн аялалд Хятадын олон улсын мэдээ солилцооны төвийн Евразийн төвийн 19 улс орны 23 гадаадын сэтгүүлч ба Хятадын гол болох хэвлэл мэдээллийн хэрэгслийн сэтгүүлч нар оролцож, эртний "Тал нутгийн торгоны зам"-ыг дагаж ӨМӨЗО-ны Хөх хот болон Улаанцав хотоор аялж, Өвөр Монголын дижитал эдийн засаг, аж үйлдвэрийн инноваци, экологийн хамгаалалт, олон улсын худалдаа болон бусад салбарын тэргүүний туршлагыг судлан, Хятадын умард хилийн өвөрмөц сэтгэл татам, хүчирхэг хөгжлийг бүх талаар мэдрэх болно.
Энэ долоо хоногт олон орны сэтгүүлчид Или орчин үеийн ухаалаг эрүүл мэндийн хөндий, Өвөр Монголын мэдээллийн худалдааны төв, Хөххотын уран баримал урлагийн музей, Мэнцао групп, Цэлгэр тал, Улаан Хада галт уулын геологийн цэцэрлэгт хүрээлэн, Чи сум олон улсын ложистикийн парк зэрэг газруудаар аялан, олон талт хэлбэрүүдээр дамжуулан Өвөр Монголын шинэ бүтээмжид тулгуурласан аж үйлдвэрийн өөрчлөлтийн талаар гүн гүнзгий судалгаа хийх болно.
