7-8 хоногийн хугацаанд олон газраар явж, сурвалжлага бэлдэж, олон газартай танилцлаа. Гүйжөү муж нь өөрөө Хятад улсын хамгийн сүүлд буюу 2014 онд хөгжиж эхэлсэн хот. Гэсэн ч энэ хугацаанд үнэхээр их зүйлийг хийж байгаль цаг уурын онцлогтоо тохируулж цайны тариалан, уулархаг газар нутгаа ашиглаж гүүрэн байгууламж, туннел зэргийг сайн шийдэж өгч чадсан байсан. Миний хувьд амьдралдаа анх удаа маш өндөр, олон гүүрийг нэг дор харж чадсан гэж хэлж болно. Цайны соёл хамгийн гайхалтай нь. Цай нь зүгээр нэг уугаад өнгөрдөг ундаа биш харин эрүүл мэндийг дэмжих хамгийн гол бүтээгдэхүүн болтол нь хөгжүүлж, магадгүй энэ нутгийн хүмүүсийн урт насалдаг гол нууц байх. Үүнтэй холбоотойгоор Хуан Хун Ин цайны үйлдвэрийн захирал эмэгтэй хамгийн онцгой санагдсан. Тэрбээр хоосон байсан газрыг цайны далай болгож, ядууралд автсан хотын иргэдийг ажлын байраар хангаж Гүйжөү муждаа үнэтэй хувь нэмэр оруулж чадсан хүн юм.
Сэтгүүлч хүний хувьд шинэ зүйл харж, шинэ зүйл сонсож тэрийгээ үзэгч түмэнд хүргэж гүүр нь болж чадна гэдэг сайхан билээ. Хамтарсан сурвалжлагыг зохион байгуулж, халуун дотноор хүлээн авсан та бүгдэд халуун талархал илэрхийлье.
