Хятадын Коммунист Нам байгуулагдсаны 105 жилийн ойг тэмдэглэх "Ард түмэн нэн тэргүүнд" нэртэй концерт 29-ний орой Бээжинд боллоо. Ши Жиньпин, Ли Чян, Жао Лэжи, Ван Хунин, Цай Чи, Дин Шюэсян, Ли Ши, Хань Жэн зэрэг нам, төрийн удирдагчид 3000 хүний хамт тоглолтыг үзлээ.

Тоглолт таван хэсэгт хуваагдсан бол уран бүтээлчид гайхалтай хөгжим, сэтгэл хөдөлгөм дуу хоолойгоор намдаа хязгааргүй хайртай байгааг илэрхийлж, үндэсний сэргэн мандалтын хүчирхэг эрин үеийн уриалгыг цуурайтуулсан байна.

ХКН-ын Төв Хорооны Улс төрийн товчооны гишүүд, ХКН-ын Төв Хорооны Нарийн бичгийн дарга нарын газрын гишүүд, Цэргийн Төв Зөвлөлийн дэд дарга нар, Бүх Хятадын Ардын Төлөөлөгчдийн Их Хурлын Байнгын Хорооны дэд дарга нар, Төрийн Зөвлөлийн гишүүд, Ардын Дээд Шүүхийн дарга, Дээд Прокурорын Ерөнхий прокурор, Хятадын Ардын Улс Төрийн Зөвлөлдөх Зөвлөлийн Үндэсний Хорооны дэд дарга нар мөн тоглолтыг хамт үзжээ.

Түүнчлэн нам, засгийн газар, цэрэг, олон нийтийн байгууллага, Бээжин хотын захиргааны гол албан тушаалтнууд, бусад улс төрийн намуудын төв хороодын удирдагчид, Бүх Хятадын Үйлдвэр Худалдааны Холбооны удирдагчид, мөн намын харьяалалгүй хүмүүсийн төлөөлөгчид, төрийн шагнал хүртсэн хүмүүсийн төлөөлөгчид, намын ахмад гишүүд болон албан тушаалтнуудын төлөөлөгчид, Хятадад ажиллаж буй гадаадын мэргэжилтнүүдийн төлөөлөгчид, цэргүүдийн төлөөлөгчид байв.