Цаг уурын хувьд хаврын сүүл сарын хүйтнийг хаврын эхэн үеийн температурын огцом өсөлтөөр хэлдэг бол хаврын сүүлчээр агаарын температур хэвийн жилээс бага, үргэлжилсэн бороотой цаг агаар дагалддаг. Энэ мэт “Хаврын эхний сард дулаахан, хавар хожуу хүйтрэхийг” “Хаврын хүйтэн жавар” гэдэг.
Хаврын хүйтэн жавар унах ямар аюултай вэ?
Зүрх, тархины судасны өвчлөлөөр өвчлөх тохиолдол нэмэгддэг
Ахмад настнууд дулааныг тэнцвэржүүлэх чадвар муу, хаврын улиралд цусны эргэлтийн систем нь хүйтнээр амархан хөдөлдөг. Симпатик мэдрэлийг хүйтнээр цочроох үед цочрол нэмэгдэж, бүх биеийн арьсны гадаргуу дээрх хялгасан судас нарийсаж, цусны урсгалын эсэргүүцлийг нэмэгдүүлж, цусны даралт ихсэхэд хүргэдэг. Ахмад настан, зүрх, тархины судасны өвчтэй өвчтөнүүд энэ өөрчлөлтөд дасан зохицож чадахгүй байх тул зүрх, тархины судасны өвчлөл үүсэж болзошгүй.
Ревматоид артрит үүсэх хандлагатай
Зарим охид эрт юбка өмсдөг. Харин эмэгтэйчүүдийн өвдөгний үе нь хүйтэн агаарын өдөөлтөд илүү мэдрэмтгий байдаг. Хүйтэн агаарт өртсөний дараа үе мөч нь мэдээ алдах, өвдөх зэрэг шинж тэмдгүүд илэрнэ. Цаг хугацаа өнгөрөх тусам ревматоид артрит үүсэх хандлагатай байдаг.
Амьсгалын замын халдварт өвчинд өртөмтгий болно
Хүйтэн уур амьсгал, хуурай агаар амьсгалын замын салст бүрхэвчийг хамгаалах үйл ажиллагаанд шууд нөлөөлнө.
Хаврын хүйтэн жавраас хэрхэн хамгаалах вэ?
1.Тохиромжтой хувцаслах
Хаврын хүйтэн жаврын үед халууны хэм түр зуур нэмэгддэг тул өвлийн хувцсаа даруй тайлж болохгүй. Өглөө оройн цагаар агаарын хэм багасах тул дулаан хувцаслах хэрэгтэй. Ханиад, амьсгалын замын өвчлөлөөс болгоомжлох хэрэгтэй.
2.Агааржуулалтыг цаг тухайд нь хийх
Нянгийн оршин тогтнох, нөхөн үржихүйг багасгах, саатуулахын тулд өрөөний тоосыг цаг тухайд нь цэвэрлэн агааржуулалтыг хангах шаардлагатай.
3.Гадаа дасгал хөдөлгөөн хийх
Зүрхний болон уушгины үйл ажиллагааг сайжруулахын тулд зохих ёсоор гадаа дасгал хөдөлгөөн хийх шаардлагатай. Ингэснээр бие хаврын өөрчлөлттэй уур амьсгалд илүү сайн дасан зохицож чаддаг.
4. Амин дэмтэй хоол хүнс хэрэглэх
"Хаврын хүйтэн жавар"-тай цаг агаарт та илүү амин дэмтэй хоол хүнс хэрэглэх зүйтэй юм. Ингэснээр өвчлөлөөс урьдчилан сэргийлэх үүрэг гүйцэтгэдэг. Сонгино, цагаан гаа, сармис, селөдерей зэрэг нь халдваргүйжүүлж, өвчнөөс урьдчилан сэргийлдэг гэж Хятадын анагаах ухаан үздэг.
