ХКН-ын Төв Хороо болон Төрийн Зөвлөлийн шийдвэр, зохицуулалт, бодлогыг хэрэгжүүлэх хүрээнд Хятадын Сангийн яам 2026 онд хүүхэд асрах тэтгэмжийн санхүүжилтэд 99.9 тэрбум юань хуваарилсан байна. Энэ нь өмнөх оноос 10.6 хувиар өссөн үзүүлэлт бөгөөд шаардлага хангасан нярай, бага насны хүүхдүүдэд хүүхэд асрах тэтгэмж олгоход орон нутгуудыг дэмжих зорилготой юм.

Хятад улсын хэмжээнд бүх шатны төсвөөс энэ онд нийтдээ ойролцоогоор 110 тэрбум юанийн тэтгэмжийн санхүүжилт гаргахаар төлөвлөжээ.

Өдгөө 2026 оны хүүхэд асрах тэтгэмж олгох ажил тогтвортой, эмх цэгцтэй үргэлжилж байна. Холбогдох журмын дагуу бүх шатны эрүүл мэндийн байгууллагууд тэтгэмжийн хүсэлтийг хянан баталгаажуулж, олгох ажлыг зохион байгуулна.

Журмын дагуу улирал тутамд дор хаяж нэг удаа төвлөрсөн байдлаар тэтгэмж олгох бөгөөд өмнөх улиралд батлагдсан хүсэлтийг тухайн улирлын төгсгөлөөс өмнө бүрэн олгох ёстой.

Сангийн яам цаашид Улсын Эрүүл мэндийн хороотой хамтран хүүхэд асрах тэтгэмжийн тогтолцоог үр дүнтэй хэрэгжүүлэх, санхүүжилтийн удирдлагыг чангатгах, хяналт шалгалтыг сайжруулах, бодлогын үр нөлөөг бүрэн ашиглах чиглэлээр ажиллаж, төрөлтийг дэмжсэн нийгмийн  ээлтэй орчныг бүрдүүлэхэд дэмжлэг үзүүлэхээ мэдэгдлээ.