Хятад-Вьетнамын хил дэх "1369 Lifeline" нь 2016 оны 08-р сард албан ёсоор нээгдсэнээс нааш арван жилийн турш хоёр улсын 700 гаруй хүнд өвчтөнийг аварсан.
"1369 Lifeline" нь Гуанши мужийн Фанченган хотын хилийн боомтын давуу талд суурилсан тусламжийн үйлчилгээний брэнд бөгөөд Хятад, Вьетнамын хүнд өвчтэй хүмүүст 24 цагийн турш тусламж, гаалийн бүрдүүлэлтийн дэмжлэг үзүүлдэг.
Фанченганг хотын Дөншин Хилийн Шалгалтын Төв нь Вьетнамын хилийн боомттой 24 цагийн тусгай утас ажиллуулж, өвчтөний биеийн байдал, шилжүүлэх хугацаа зэрэг мэдээллийг урьдчилан авах боломжтой болгосон. Дөншин хотын Ардын Эмнэлэг,Вьетнамын Монгкай хотын Эрүүл Мэндийн Төвтэй эмнэлгийн бүртгэл хуваалцах, алсын зайнаас зөвлөгөө өгөх механизмыг бүрдүүлэн, хоёр улсын хоёр эмнэлгийн хооронд саадгүй холболт буй болгохын тулд "1369 Lifeline" олон улсын шуурхай утсыг ажиллуулсан. Тэд мөн хамтын аврах чадавхыг сайжруулахын тулд хамтарсан яаралтай тусламжийн сургуулилтыг тогтмол хийдэг. Гааль нь шалгалтын журмыг оновчтой болгож, хүнд өвчтэй зорчигчид болон тэдний асран хамгаалагчдад төхөм үзүүлэн, гаалийн бүрдүүлэлтэд шөнийн цагаар аврах ажиллагааг хянах тусгай ажилтнуудыг томилсон.
Фанченганг хотын Эрүүл мэндийн комиссын дарга Дай Санжун хэлэхдээ, Хятад, Вьетнамын хил дамнасан эмнэлгийн харилцааны хэлний саад бэрхшээлийг даван туулахын тулд Фанченганг хот нь сувилагч мэргэжилтнүүдээс бүрдсэн Вьетнам хэлний сайн дурын үйлчилгээний багийг байгуулсан бөгөөд Энэхүү баг нь үйл явцын туршид орчуулгын үйлчилгээ үзүүлж, эмчилгээний бүх үе шатанд үр дүнтэй зохицуулалтыг хангах боломжийг олгодог. Тэд Вьетнамын эмнэлгийн байгууллага, хилийн хяналтын хэлтэстэй урьдчилан хамтран ажиллаж, өвчтөний мэдээллийн баталгаажуулалт, гаалийн бүрдүүлэлт, лавлагааны зохицуулалтыг үр дүнтэй хийж, бүрдүүлэлт хийх хугацааг багасгаж, хүнд өвчтөнүүдийг эмчлэх боломжийг дээд зэргээр нэмэгдүүлдэг.
Дай Санжун хэлэхдээ, олон улсын анагаах ухааны нээлттэй туршилтын бүсийн хувьд Фанченган хот Вьетнам болон АСЕАН-ы бусад улсуудтай сувилахуйн солилцоо, хамтын ажиллагаагаа гүнзгийрүүлэн, хил дамнасан яаралтай тусламжийн сувилахуйн журмыг тасралтгүй оновчтой болгож байдаг. Хил дамнасан эмнэлгийн хамтын ажиллагааны механизмыг цаашид сайжруулж, сувилахуйн үйлчилгээг хил дамнасан яаралтай тусламж, олон улсын оношилгоо, эмчилгээтэй гүнзгий нэгтгэхийг идэвхтэй дэмжих болно гэжээ.
