Хятадын Худалдааны яамны 06-р сарын 04-ны өдөр болсон ээлжит хэвлэлийн бага хурлын үеэр Худалдааны яамны хэвлэлийн төлөөлөгч Хэ Юнчянь танилцуулахдаа, 2026 онд “Хятад руу экспортлоё” цувралын 100 гаруй арга хэмжээг зохион байгуулахаар төлөвлөж байгааг мэдэгдсэн байна.
Тэрээр хэлэхдээ " Уг арга хэмжээнүүдээр дамжуулан дэлхийн улс орнуудын чанартай бүтээгдэхүүнийг Хятадын аж ахуйн нэгжүүд болон хэрэглэгчдэд сурталчлан таниулахын зэрэгцээ гадаадын компаниудын Хятад руу хийх экспортыг нэмэгдүүлэх индэр, сувгийг бүрдүүлэх зорилготой" гэв.
Хятадын Худалдааны яам 06-р сарын 7, 11-ний өдрүүдэд Беларусь болон Германд тус тус “Хятад руу экспортлоё” тусгай арга хэмжээг зохион байгуулах юм байна. Үүнээс Беларусь дахь арга хэмжээ нь уг цувралын хилийн чанад дахь анхны арга хэмжээ болох бол Герман дахь арга хэмжээ нь Европын Холбооны нутаг дэвсгэрт зохион байгуулагдах анхны арга хэмжээ болох ажээ.
Мөн Хэ Юнчянь танилцуулахдаа " Хятадын тал дэлхийн улс орнуудын аж ахуйн нэгжүүдийг “Хятад руу экспортлоё” цуврал арга хэмжээнд идэвхтэй оролцохыг урьж, мөн Хятадын Олон улсын импортын экспо зэрэг томоохон үзэсгэлэн, худалдааны арга хэмжээнд үргэлжлүүлэн оролцохыг дэмжинэ. Түүнчлэн Хятадын талын байгуулсан индэр, сувгуудыг ашиглан Хятад руу хийх экспортоо нэмэгдүүлж, харилцан ашигтай, хамтдаа хожих үр дүнд хүрэхийг хүсэж байна" гэв.
