Хятад улсын дэд дарга Хань Жэн 21-нд Бээжин хотноо Америкийн Орегон мужийн Сенатын дарга Вагнертай уулзав.
Хань Жэн “Энэ онд дарга Ши Жиньпин, Ерөнхийлөгч Трамп нар гурван удаа утсаар ярьж, хэд хэдэн чухал зөвшилцөлд хүрсэн байна. Хятад Америк хоёр орон нийтлэг ашиг сонирхол, хамтын ажиллагааны өргөн орон зайтай. Бид найз нөхөд болох боломжтой бөгөөд болох ч ёстой. Америк, Хятад хоёр тал бие биеэ хүндэтгэж, энх тайван зэрэгцэн оршиж, харилцан ашигтай хамтран ажиллаж, шинэ эрин үед хоёр том гүрэн эв найрамдалтай байж, хоёр орон болон дэлхий дахинд ашиг тусаа өгнө гэдэгт найдаж байна. Орегон муж Хятад улстай эртнээс найрсаг, хамтын ажиллагааны харилцаатай. Та болон Сенатын бүх гишүүд хоёр талын харилцаа холбоо, солилцоог тасралтгүй ахиулж, ард түмний найрсаг харилцааг гүнзгийрүүлж, Хятад Америкийн орон нутгийн хамтын ажиллагаанд тэргүүлэх үүрэг гүйцэтгэнэ гэдэгт итгэж байна”гэжээ.
Вагнер ХКН-ын ХХ сонгуулийн Төв хорооны IV бүгд хурал амжилттай болохыг хүсээд, “Америк, Хятадын орон нутгийн хамтын ажиллагаа маш чухал. Орегон мужийн хууль тогтоох байгууллага Хятадын зарим муж, хотуудтай найрсаг солилцоо, хамтын ажиллагаагаа үргэлжлүүлэн бэхжүүлэх тухай хуулийн төслийг баталжээ. Бид Хятадын муж, хотуудтай найрсаг харилцаа, хамтын ажиллагаагаа үргэлжлүүлэн бэхжүүлэх болно”гэв.
