НҮБ-ын 80 жилийн ойд зориулсан "Хамтдаа зэрэгцэн оршиж, ирээдүйг хамтдаа хуваалцъя" сэдэвт дэлхийн гэрэл зургийн үзэсгэлэн 20-ны өдөр Нью-Йорк дахь НҮБ-ын төв байранд болов. Зураг, видео зэрэг мультимедиа хэрэглүүрээр НҮБ дэлхийн өнцөг булаг бүрд амьдарч буй иргэдийн амьдралд хэрхэн гүн гүнзгий нөлөөлсөн тухай түүхийг өгүүлжээ.
НҮБ-ын Ерөнхий нарийн бичгийн дарга Антонио Гутерриш “Хэрэв улс орнуудын хооронд яриа хэлцэл, хамтын ажиллагаа байсангүй бол уг үзэсгэлэнд үзүүлсэн ололт амжилт байх боломжгүй юм. Зэвсэгт мөргөлдөөн өдөр ирэх тусмаа даамжирч буй тэгш бус байдал, хяналтгүй технологи, дэлхийн дулаарал зэрэг сорилтууд өөрөө шийдэгдэхгүй, аль ч улс орон дангаараа шийдэх боломжгүй юм. Олон улсын хамтын нийгэмлэг хамтдаа хүчин зүтгэж, ирээдүйгээ цогцлоон байгуулах ёстой” гэжээ.
Уг үзэсгэлэнг НҮБ-ын Глобал харилцаа холбооны газар зохион байгуулсан бөгөөд үзэсгэлэнд 193 орны 240 гаруй гэрэл зургийг дэлгэн үзүүлж, дэлхийн хэмжээнд 40 гаруй талбайд зохион байгуулагдах төлөвтэй байна.
