Хятадын зүүн хойд,төв,баруун хойд нутгийн ойн халхавчийн төслийг Өвөр Монгол амжилттай хэржгжүүлэв.

5-р сарын 10-д Улаанбух элсэн цөлийн зүүн хөвөөг 200 км өвс модоор холболоо.

7-р сарын  6-д Бадайн жарны элсэн цөлийн өмнө биеийг өвс модоор  холбосноор Алшаа аймгийн гурван том элсэн цөлийн зах хөвөөг 1856 км өвс модоор чимсэн билээ.

9-р сарын 16-д Хөвчийн элсэн цөлийн хойд бие дагуу 420 км өвс мод тарьж, Хатан голын эргийн 620 км нутаг ногоон өнгөөр хучигдав. Ийнхүү Өвөр Монголын дөрвөн том элсэн цөл ногоон өнгөөр хучигдаж, олны харааг баясгалаа. Энэ бол шинэ эрины Өвөр Монголын гайхамшиг болно.

70 гаруй жилийн турш  Өвөр монголчууд хичээл зүтгэлтэй шаргуу ажиллаж  элстэй тэмцэж экологийн орчныг хамгаалан, хүн байгалийн эв нэгдлийг биелүүлсэн байна.

Баяннуур хотын Дэнкөү шяний цөлжилтийг засах ойжуулалтын  төвийн ажилтан Жин Жэньюнь:

“Өмнө нь цөлжилт ихтэй үед элсэн шуурга байшингийн цонх давдаг байсан. Одоо  экологийн нөхцөл маш их сайжирч байна” гэжээ.

Баяннуур хотын Дэнкөү шяний элсийн хяналтын газрын дэд захирал  Хэ Вэньчян:

“Өнгөрсөн жил бид Алшаа аймагтай хамтран цөлжилтийг сайжруулах зорилгоор өвс мод тарьж, ногооруулалтын талбай нь БНХАУ  байгуулагдсан эхэн үеийн 0.04 хувиас өнөөгийн 70  хувь орчим болтол нэмэгдсэн. Хаврын дунд сараар бид орон нутгийн иргэдийн элсний нүүдлийг тогтворжуулахад идэвхтэй оролцож,  хүн бүрт 13,500 юаний орлого олгох боломжийг бүрдүүлсэн” гэжээ.

“Шаргал элс нь ногоон эмжээртэй, Хатан гол нь урсгал  дөлгөөн”... Ногоон өнгө бялхам эх орны умард нутгийн хүн ард болон экологийн зохицол гайхамшигтай.