Японы түрэмгийллийг эсэргүүцсэн Хятадын ард түмний дайн ба дэлхийн фашизмын эсрэг дайны ялалтын 80 жилийн ойд зориулан Хятадын Сун Чинлин сангийн ивээн тэтгэсэн "Сун Чинлин ба Японы түрэмгийллийг эсэргүүцсэн их дайн" сэдэвт тусгай семинар саяхан Бээжинд болов. Семинарт Сун Чинлингийн анд нөхдийн үр сад, Японы түрэмгийллийг эсэргүүцэх дайны үеийн олон улсын тусламж үзүүлсэн нөхөрсөг хүмүүсийн үр хойчис, гадаад, дотоодын мэргэжилтэн, эрдэмтэд, тусгай зочид, зохион байгуулагч байгууллагын төлөөлөл зэрэг 100 гаруй хүн оролцов.
Тус семинарт оролцогч "Сун Чинлин ба дэлхийн энх тайвны үзэл бодол", "Сун Чинлин ба Японы эсрэг үндэсний нэгдсэн фронт" зэрэг сэдвээр ярилцаж, харилцан санал солилцов. Эрдэмтэн судлаачид түүхэн материалуудыг өөр өөр талаас судалж, Сун Чинлин болон Японы түрэмгийллийн эсрэг эсэргүүцлийн дайны талаарх сүүлийн үеийн судалгааны үр дүнг солилцов.
Сүн Чинлин Хятадын Коммунист намын Японы эсрэг болон үндэсний авралын саналыг тууштай дэмжиж, дотоод болон гадаад дахь дэвшилтэт хүмүүстэй хамтран ажилласан. Японы түрэмгийллийн эсрэг Хятадын ард түмний дайн, дэлхийн фашизмын эсрэг дайн, Хятадын ардын чөлөөлөх арми болон хүн төрөлхтний хөгжил дэвшлийн үйлсэд гарамгай хувь нэмэр оруулсан. Бид Сун Чинлин болон бусад ахмад үеийн хувьсгалчдын дайны жилүүдэд бий болгосон гүн гүнзгий нөхөрлөлийг цаашид өвлөн авч, урагшлуулах ёстой; Сун Чинлингийн эрхэм дээд оюун санааг өвлөн авч, урагшлуулж, соёл иргэншлүүдийн харилцан суралцах, ард түмний найрамдалт харилцааг хөгжүүлэн, бүх улс орны ард түмэн энх тайван хөгжлийн тугийн дор хамтран ажиллах боломжийг олгож, хүн төрөлхтний хувь заяаны хамтын цогцыг байгуулахад тус дөхөм үзүүлэх ёстой гэж семинарт оролцогчид санал нэгдсэн байна.
