Хятад улсын дарга Ши Жиньпин 09-р сарын 05-нд 2025 оны дэлхийн ухаалаг аж үйлдвэрийн яармагт баяр хүргэн захидал илгээжээ. Ши Жиньпин дарга: Эдүгээ хиймэл оюун ухааны технологи асар хурдтай шинэчлэгдэн хөгжиж, хүн төрөлхтний ​​үйлдвэрлэл амьдралын хэв маягийг гүнзгий өөрчилж, дэлхийн аж үйлдвэрийн төлөв байдлыг шинэчилж байна. Хятад улс хиймэл оюун ухааны хөгжил, засаглалыг дээд хэмжээнд чухалчилж, хиймэл оюун ухааны технологийн шинэчлэл, аж үйлдвэрийн инновацын гүн гүнзгий уялдаа холбоог идэвхтэй дэмжиж, эдийн засаг, нийгмийн өндөр чанартай хөгжлийг эрчимжүүлэн, ард түмний амьдралын чанарыг сайжруулахад ихээхэн дэмжлэг үзүүлж байна гэж тэмдэглэв.

Дарга Ши Жиньпин:

Хиймэл оюун ухаан нь нийт хүн төрөлхтөнд ашигтай олон улсын нийтийн бүтээгдэхүүн байх ёстой. Хятад улс дэлхийн улс орнуудтай хиймэл оюун ухааны салбарт олон улсын хамтын ажиллагааг өргөн хүрээнд өрнүүлж, хөгжлийн стратеги, засаглалын дүрэм, техникийн стандартын уялдаа холбоо зохицуулалтыг эрчимжүүлж, ухаалаг аж үйлдвэрийн эрүүл, эрч хүчтэй хөгжлийг ахиулан, ухаалаг үр бүтээмжийг улс орнуудын ард түмэнд илүү сайн үр өгөөжтэй байлгахад бэлэн байна гэж онцоллоо.

"Хиймэл оюун ухаан+", "Ухаалаг сүлжээний холболттой шинэ эрчим хүчний авто машин"  сэдвийн хүрээнд зохиогдож буй 2025 оны дэлхийн ухаалаг аж үйлдвэрийн яармаг мөн өдөр Чүнчин хотод нээлтээ хийсэн юм.