Татварын ерөнхий газраас 08-р сарын 04-ний өдөр нийтэлсэн НӨАТ-ын падааны мэдээллээс үзэхэд, бүх Хятадын аж ахуйн нэгжийн борлуулалтын орлого энэ оны эхний хагаст тогтвортой өсөлтийг хадгалж байна.

Аж үйлдвэрийн салбар тогтвортой өсөлтөө хадгалж, чанараа сайжруулсан. Үндэсний татвар, хураамжийн урамшуулал болон бусад холбогдох бодлогын дагуу аж үйлдвэрийн салбарын борлуулалтын орлого оны эхний хагаст үндэсний аж ахуйн нэгжийн нийт өсөлтийн хурдаас 1.5 пунктээр илүү хурдацтай өсч, эдийн засгийн тогтвортой өсөлтийг хангах гол дэмжлэг болсон юм. “Дээд зэрэглэлийн” үйлдвэрлэлийн салбар тогтвортой хөгжиж, оны эхний хагаст тоног төхөөрөмжийн үйлдвэрлэл, өндөр технологийн үйлдвэрлэлийн салбарын борлуулалтын орлого өмнөх оны мөн үеэс 8.9 хувь, 11.9 хувиар тус тус өссөн байна.

Өндөр түвшний шинэ бүтээмжийг хөгжүүлэх ажил хурдацтай явагдаж байна. Оны эхний хагаст өндөр технологийн салбарын борлуулалтын орлого өмнөх оны мөн үеийнхээс 14.3 хувиар өссөн нь хурдацтай өсөлтийг хадгалж, инновацийн салбарын өсөлт үргэлжлж буйг харуулж байгаа юм. Дижитал эдийн засаг болон бодит эдийн засаг нь интеграцчлалаа хурдасгаж, оны эхний хагаст дижитал эдийн засгийн үндсэн салбаруудын борлуулалтын орлого өмнөх оны мөн үеэс 10.1 хувиар нэмэндэж, бүх Хятадын хэмжээнд аж ахуйн нэгжүүдийн худалдан авсан дижитал технологийн хэмжээ өмнөх оны мөн үеэс 9.9 хувиар өссөн нь аж үйлдвэрийг дижитал болгох, дижитал технологийг үйлдвэржүүлэх үйл явц тасралтгүй хурдацтай явагдаж байгааг харуулж байна.

“Хоёр шинэ” бодлого тодорхой үр дүнд хүрсэн. Тоног төхөөрөмжийг солих томоохон бодлого хэрэгжүүлснээр бүх Хятадын хэмжээнд аж ахуйн нэгжүүдийн худалдан авсан машин, тоног төхөөрөмжийн хэмжээ оны эхний хагаст өмнөх оны мөн үеийнхээс 11.1 хувиар өсч, өнгөрсөн оноос хойших хурдацтай өсөлтийн эрчийг үргэлжлүүлэв. Өргөн хэрэглээний барааны хуучныг шинээр солих худалдааны цуврал бодлого үр дүнгээ үзүүлсээр байгаа тул хэрэглэгчдийн эрэлт хэрэгцээ хурдассаар байна. Оны эхний хагаст телевизор зэрэг гэр ахуйн дуу, дүрсний төхөөрөмжийн жижиглэнгийн худалдаа, хөргөгч зэрэг өдөр тутмын ахуйн хэрэглээний бараа бүтээгдэхүүний жижиглэнгийн худалдаа өмнөх оны мөн үеийнхээс 45.3 хувь, 56.6 хувиар өссөн байна. Мөн орон сууцны засвартай холбоотой гэрийн тавилгын жижиглэнгийн худалдаа өмнөх оны мөн үетэй харьцуулахад 34 хувиар өсч, "Хуучныг шинээр солих” хөтөлбөрт шинээр нэвтэрсэн гар утас зэрэг холбооны хэрэгслийн жижиглэнгийн худалдаа өмнөх оны мөн үеэс 25.4 хувиар өссөн юм.